Music Through Us
është një moment virtual kushtuar artit, kulturave.
"Duhet të udhëtosh që të mësosh," Mark Twain.
Arti, veçanërisht muzika, na lejon të kemi një gjuhë të përbashkët që frymëzon dhe na jep mundësinë të udhëtojmë dhe të zbulojmë tradita dhe kultura nga e gjithë bota edhe në këto kohë kur është pothuajse e vështirë të lëvizësh fizikisht.
Fatjona do të mirëpresë personalitete mbarëkombëtarë për të folur për qasjen e tyre ndaj muzikës, kulturave, traditave, botët e tyre ... në një Talk Show virtual.
Mbështetje
Bëhu pjesë e projektit duke mbështetur Fatjonën në rrugëtimin që ka ndërmarë për ti dhënë dritë muzikës, etnokulturës dhe pasurive të pafundme që kemi....
Dhuro
Sezoni I - Trashëgimia kulturore e Shqipërisë Etnike
Episodi 1
Pëllumb Vorpsi
Shqipëria po jeton një gjenocid kulturor
Maestro Pellumb Vorpsi, kompozitor i shquar dhe pjesëtar e një ndër familjeve më të shquara të Tiranës, do të ndajë me ne historinë e qytetit, dashurinë për muzikën, kulturën shqiptare, riteve, traditave....
Punën e palodhur për të dokumentuar folklorin shqiptar dhe për ti dhënë atij vendin që i takon.
Ai do të na informojë për realitetin e artit shqiptar sot, prishjen e Teatrit Kombëtar, shkatërrimin arkitektonik të kryeqytetit….
Gjenocidit kulturor që po i bëhet Tiranës....
Episodi 2
Fisnik Ismaili - Liria ka emër
Ushtria Çlirimtare e Kosovës
Fisnik Ismaili do të ndajë me ne historinë e tij, që nga fëmijëria e deri në arratisjen nga lufta në Bosnje në 1991. Do të na tregojë për jetên e tij si emigrant, për krijimin e NEWBORN.
Ai do të dëshmojë Betejën e Koshares dhe aktivitetin e tij në këtë betejë me Ushtrinë Çlirimtare të Kosovës.
Ky episod i dytë është një dëshmi që pasqyron forcën e vendit më të izoluar në Evropë dhe forcën e një kombi që gjithmonë është dashur të luftojë për të drejtat e tij dhe vazhdon ta bëjë këtë edhe sot e kësaj dite!
Episodi 3
Sami Flamuri
Bukuria e Malësisë së Madhe në Mal të Zi
Sami Flamuri, një shkrimtar i lindur në Sidnej / Australi por me origjinë shqiptare nga Mali i Zi do të ndajë me ne bukurinë e maleve të larta të Kelmendit nëpër rrugëtimet që dikur bëheshin nga Baroni Nopcsa apo Edith Durham
Ne do të zbulojmë historinë e tij familjare, prej librit autobiografik që ai ka shkruar me vëllain e tij binjak….
Ai do të përshkruajë veçantinë e muzikës dhe valleve të anës së malit e po ashtu anës së detit. Do të na flasi për kostumet, ritet, traditat, ushqimet tradicionale të Shqipëtarëve të Malit të Zi.
Episodi 4
Silvana Licursi
Arbëreshët, 600 vite traditë
Silvana Licursi, një këngëtare e shquar arbëresh do të flasi mbi karrierën e saj, kërkimet në lidhje me muzikën, zakonet e traditat arbëreshe, dhe disa nga ritualet më të bukura shqiptaro bizantine që ruhen tashmë prej 600 vjetësh në Itali.
Episodi 5
Vebi Bexheti
Kultura autochthone e shqipëtarëve të Maqedonisë së Veriut
Vebi Bexheti është shkrimtar, studiues, ish profesor universitetar, politikan dhe aktivist për të drejtat e shqiptarëve në Maqedoninë e Veriut.
Ai do të ndajë me ne kërkimet dhe studimet e tij mbi kulturën shqiptare të Maqedonisë së Veriut, muzikologjinë, traditat, ritet dhe kostumografinë e kësaj krahine kaq të pasur.
Ai do të na tregojë për përvojën e tij politike, përjetimin si i burgosur politik dhe do të na përcjellë një panoramë aktuale të shoqërisë së Maqedonisë së Veriut.
Episodi 6
Beqir Meta
Vend përralor, Çamëria
Ky reportazh është një rrëfim i bazuar në fakte, dokumenta historike dhe arkiva familjare.
Është një mënyrë për të treguar se nga vi, por mbi të gjitha është një mënyrë për të bërë të njohur historinë e Çamërisë, një rajoni aq të vjetër sa bota, në të cilën ndodhet edhe tempulli i parë të Zotit (Dodona) ekzistuese 1500 vjet edhe para tempullit të Jeruzalemit.
Ky është një homazh për vlerat, edukatën, kulturën dhe traditat e familjes sime, një homazh për gjyshërit e mi dhe sigurisht të gjithë të mbijetuarve të gjenocidit grek të vitit 1944.
Profesor Beqir Meta, historian, Shef i Akademisë së Studimeve Albanologjike, anëtar i Akademisë së Shkencave të Shqipërisë, ish Drejtor i Muzeut Kombëtar të Shqipërisë do të jetë personaliteti që do të paraqesê historinë e Çamërisë dhe kalvarin e saj disa vjeçar deri në paslufte.
Sezoni II - Trashëgimia kulturore ndërkombëtare
Episodi 1
Prashant Trivedi
Muzika është tingull
Prashant Trivedi, i cili i përket botës së Bharatvarsh, është themeluesi i LotusOcean, shkrimtar, muzikant astrolog i njohur ndërkombëtarisht.
Ai do të flasë për muzikën, natyrën e saj, origjinën, tingujt e parë, lidhjen midis tingullit, raportit të artë (Fibonacci) dhe mençurisë së Vedave.
Është një bisedë e pasur kushtuar spiritualitetit që na fton të reflektojmë se si duhet ta përjetojmë muzikën sot, veçanërisht me përparimet e teknologjisë ...